ടെക് ഭീമനായ മൈക്രോസോഫ്റ്റ് തെലങ്കാനയിൽ മൊത്തം ആറ് ഡാറ്റാ സെന്ററുകൾ സ്ഥാപിക്കുമെന്ന് കമ്പനി അധികൃതർ സ്വിറ്റ്‌സർലൻഡിലെ ദാവോസിൽ നടക്കുന്ന വേൾഡ് ഇക്കണോമിക് ഫോറത്തിന്റെ ഭാഗമായി ഐടി, വ്യവസായ മന്ത്രി കെ ടി രാമ റാവുവിനെ അറിയിച്ചു. 16,000 കോടി രൂപ മുതൽമുടക്കിൽ മൂന്ന് ഡാറ്റാ സെന്ററുകൾ സ്ഥാപിക്കുമെന്ന് കമ്പനി അധികൃതർ നേരത്തെ പ്രഖ്യാപിച്ചിരുന്നു. 2021-ൽ 16,000 രൂപ മുതൽമുടക്കിൽ മൂന്ന് ഡാറ്റാ സെന്ററുകൾ സ്ഥാപിക്കുമെന്ന് പ്രഖ്യാപിച്ച മൈക്രോസോഫ്റ്റ്, തെലങ്കാനയിൽ തങ്ങളുടെ നിക്ഷേപം 32,000 കോടി രൂപയിലെത്തിച്ച് പദ്ധതി വിപുലീകരിക്കാൻ തീരുമാനിച്ചു. 

കഴിഞ്ഞ ദിവസം ദാവോസിലെ വേൾഡ് ഇക്കണോമിക് ഫോറത്തോടനുബന്ധിച്ച് മൈക്രോസോഫ്റ്റ് കഫേയിൽ നടന്ന യോഗത്തിലാണ് തീരുമാനം സംബന്ധിച്ച കാര്യങ്ങൾ മൈക്രോസോഫ്റ്റ് പ്രസിഡന്റ് (ഏഷ്യ) അഹമ്മദ് മസർ തെലങ്കാന മന്ത്രി റാവുവിനെ അറിയിച്ചത്, യോഗത്തിൽ സംസ്ഥാന ഐടി, വ്യവസായ സെക്രട്ടറി ജയേഷ് രഞ്ജനും പങ്കെടുത്തു. ഘട്ടംഘട്ടമായി 10-15 വർഷത്തിനുള്ളിൽ ആറ് കേന്ദ്രങ്ങളുടെ നിർമാണം പൂർത്തിയാക്കുമെന്നും മസർ പറഞ്ഞു.