ചിപ്പ് നിർമ്മാതാക്കളായ ഇന്റൽ തങ്ങളുടെ അടുത്ത തലമുറ സി പി യു-കൾ ഇതുവരെ പ്രഖ്യാപിച്ചിരിക്കുന്ന വിൻഡോസ് 12-നെ പിന്തുണയ്ക്കുന്നതാകുമെന്ന് റിപ്പോർട്ടുകൾ. വിൻഡോസ് 12-നുള്ള പദ്ധതികൾ മൈക്രോസോഫ്റ്റ് ഇത്വെ വരെയും എവിടെയും വെളിപ്പെടുത്തിയിട്ടില്ല, എന്നാൽ വിൻഡോസിന്റെ പുതിയ പതിപ്പുകളിൽ ആർട്ടിഫിഷ്യൽ ഇന്റലിജൻസ് (AI) പവർ ഫീച്ചറുകൾ സംയോജിപ്പിക്കാൻ കമ്പനി ഉദ്ദേശിക്കുന്നതായി സൂചനയുണ്ട്. "വിൻഡോസിന്റെ ഭാവി പതിപ്പുകൾ വികസിപ്പിക്കാൻ തുടങ്ങുമ്പോൾ, വ്യത്യസ്തമായ അനുഭവങ്ങൾക്കായി AI സ്വാഭാവിക പങ്ക് വഹിക്കേണ്ട മറ്റ് സ്ഥലങ്ങളെക്കുറിച്ച് ഞങ്ങൾ ചിന്തിക്കും," എന്ന് മൈക്രോസോഫ്റ്റിന്റെ ഉപഭോക്തൃ മാർക്കറ്റിംഗ് മേധാവി യൂസഫ് മെഹ്ദി ഈ ആഴ്ച ആദ്യം ഒരു അഭിമുഖത്തിൽ പറഞ്ഞിരുന്നു.
ഈ വർഷം ആദ്യം നടന്ന കൺസ്യൂമർ ഇലക്ട്രോണിക്‌സ് ഷോയിൽ (CES) വിന്ഡോസ് മേധാവി പനോസ് പനായ്, “നിങ്ങൾ വിൻഡോസിൽ എല്ലാം ചെയ്യുന്നതെങ്ങനെയെന്ന് AI വീണ്ടും കണ്ടുപിടിക്കാൻ പോകുന്നു” എന്ന പ്രസ്താവനയ്ക്ക് പിന്നാലെയാണ് മെഹ്ദിയുടെ ഈ പരാമർശം. വിൻഡോസിന്റെ വരാനിരിക്കുന്ന റിലീസിൽ AI കൂടുതൽ വ്യാപകമായി ഉപയോഗിക്കാൻ ഉദ്ദേശിക്കുന്നുണ്ടെങ്കിൽ, AI വർക്ക് ലോഡ് കൈകാര്യം ചെയ്യാൻ കഴിയുന്ന ചിപ്പുകൾ ഒപ്റ്റിമൈസ് ചെയ്യുന്നതിന് Intel, AMD പോലുള്ള ഹാർഡ്‌വെയർ പങ്കാളികളുമായി മൈക്രോസോഫ്റ്റ് സഹകരിച്ച് പ്രവർത്തിക്കേണ്ടതുണ്ടെന്ന് റിപ്പോർട്ടുകൾ പറയുന്നു.
Image Source : Google
