മെറ്റായുടെ ഉടമസ്ഥതയിലുള്ള വാട്‌സ്ആപ്പ് ജനുവരിയിൽ ഏകദേശം 2.9 ദശലക്ഷം അക്കൗണ്ടുകൾ നിരോധിച്ചതായി ജനപ്രിയ മെസ്സേജിങ് പ്ലാറ്റ്ഫോം കൂടിയായ വാട്‌സ്ആപ്പ് ന്റെ ഏറ്റവും പുതിയ ഇന്ത്യൻ പ്രതിമാസ റിപ്പോർട്ടികളിലൂടെ അറിയാൻ കഴിയുന്നു. 'യൂസർ സേഫ്റ്റി റിപ്പോർട്ടിൽ' ലഭിച്ച ഉപയോക്തൃ പരാതികളുടെയും വാട്ട്‌സ്ആപ്പ് സ്വീകരിച്ച അനുബന്ധ നടപടികളുടെയും വിശദാംശങ്ങളോടൊപ്പം വാട്‌സ്ആപ്പ് പ്ലാറ്റ്‌ഫോമിലെ ഉപയോക്താക്കളുടെ ദുരുപയോഗം ചെറുക്കുന്നതിന് വാട്‌സ്ആപ്പ് കൈക്കൊണ്ട പ്രതിരോധ നടപടികളും ഈ റിപ്പോർട്ടിൽ അടങ്ങിയിട്ടുണ്ട്. “ഏറ്റവും പുതിയ പ്രതിമാസ റിപ്പോർട്ടിൽ എടുത്തിരിക്കുന്നതുപോലെ, ജനുവരി മാസത്തിൽ വാട്ട്‌സ്ആപ്പ് 2.9 ദശലക്ഷത്തിലധികം അക്കൗണ്ടുകൾ നിരോധിച്ചു,” എന്ന് വാട്സ് ആപ്പിന്റെ ഒരു വക്താവ് പറഞ്ഞു.
2023 ജനുവരി 1 നും ജനുവരി 31 നും ഇടയിൽ, 2,918,00 അക്കൗണ്ടുകൾ ആണ് വാട്സ് ആപ്പ് നിരോധിച്ചിട്ടുള്ളത്. ഉപയോക്താക്കളിൽ നിന്നുള്ള വിവരങ്ങൾ ലഭിക്കും മുൻപ് തന്നെ ഈ അക്കൗണ്ടുകളിൽ 1,038,000 മുൻ‌കൂട്ടി നിരോധിച്ചതായി ഈ റിപ്പോർട്ടിൽ കൂട്ടിച്ചേർത്തു. “പരാതി പരിഹാര സെല്ലുകൾ വഴി ഉപയോക്തൃ പരാതികളോട് പ്രതികരിക്കുന്നതിനും നടപടിയെടുക്കുന്നതിനും പുറമേ തന്നെ, പ്ലാറ്റ്‌ഫോമിലൂടെയുള്ള ദോഷകരമായ പെരുമാറ്റം തടയുന്നതിനുള്ള ടൂളുകളും ഉറവിടങ്ങളും വാട്‌സ്ആപ്പ് വിന്യസിക്കുന്നു. കേടുപാടുകൾ സംഭവിച്ചതിന് ശേഷം അത് കണ്ടെത്തുന്നതിനേക്കാൾ ആദ്യം സംഭവിക്കുന്നത് തടയുന്നതാണ് നല്ലത് എന്ന് ഞങ്ങൾ വിശ്വസിക്കുന്നതിനാൽ ഞങ്ങൾ പ്രതിരോധത്തിൽ പ്രത്യേക ശ്രദ്ധ കേന്ദ്രീകരിക്കുന്നു," എന്നും റിപ്പോർട്ടിൽ പരാമർശിച്ചു.