ഗ്രൂപ്പ് അഡ്മിൻമാർക്ക് പുതിയ അംഗങ്ങളെ ഗ്രൂപ്പ് ലേക്ക് അംഗീകരിക്കാൻ കഴിയുന്ന സവിശേഷതയുമായി വാട്സ് ആപ്പ്
ലോകമെമ്പാടുമുള്ള ഏറ്റവും ജനപ്രിയമായ ഇൻസ്റ്റന്റ് മെസേജിംഗ് ആപ്ലിക്കേഷനുകളിലൊന്നായ വാട്സ് ആപ്പ് തങ്ങളുടെ പ്ലാറ്റ്‌ഫോമിൽ ഒരു പുതിയ ഗ്രൂപ്പ് ചാറ്റ് ഫീച്ചർ അവതരിപ്പിക്കുന്നതായി റിപ്പോർട്ട്. മെറ്റായുടെ ഉടമസ്ഥതയിലുള്ള ആപ്പ്, പുതിയ ഗ്രൂപ്പ് പങ്കാളികളെ എങ്ങനെ അംഗീകരിക്കണമെന്നത് മാനേജ് ചെയ്യാൻ വേണ്ടിയാണ് ഒരു ഗ്രൂപ്പ് സെറ്റിംഗ്സ് പുറത്തിറക്കാനൊരുങ്ങുന്നത്. “ഈ ഫീച്ചർ ഉപയോഗിച്ച്, ഗ്രൂപ്പ് അഡ്മിനിസ്ട്രേറ്റർമാർക്ക് അവരുടെ ഗ്രൂപ്പുകളിൽ പുതിയ അംഗങ്ങളുടെ അംഗീകാരം എങ്ങനെ പ്രവർത്തിക്കുന്നുവെന്ന് മാനേജ് ചെയ്യാൻ കഴിയും. പ്രത്യേകിച്ചും, ഓപ്ഷൻ പ്രവർത്തനക്ഷമമാക്കുമ്പോൾ, ഒരു ഗ്രൂപ്പിൽ ചേരാൻ ശ്രമിക്കുന്ന ആർക്കും ഒരു അഡ്മിനിസ്ട്രേറ്ററുടെ പെർമിഷന് വിധേയമായിരിക്കും," എന്ന് വാട്ട്‌സ്ആപ്പ് ട്രാക്ക് ചെയ്യുന്ന വെബ്‌സൈറ്റായ WABetaInfo റിപ്പോർട്ട് ചെയ്തു.
പ്ലേ സ്റ്റോറിൽ നിന്ന് ആൻഡ്രോയിഡ് 2.23.6.9 അപ്‌ഡേറ്റിനായി ഏറ്റവും പുതിയ വാട്സ് ആപ്പ് ബീറ്റാ ആപ്ലിക്കേഷൻ ഇൻസ്‌റ്റാൾ ചെയ്‌തതിന് ശേഷം, ഇപ്പോൾ ബീറ്റ ടെസ്റ്ററുകളിലേക്ക് എത്തിച്ചിട്ടുള്ളതായി വെബ്‌സൈറ്റ് കണ്ടെത്തിയിട്ടുണ്ട്. റിപ്പോർട്ട് അനുസരിച്ച്, ഗ്രൂപ്പ് ക്രമീകരണ വിഭാഗത്തിൽ “approve new participants” എന്ന പുതിയ ഓപ്ഷൻ നൽകിയിട്ടുണ്ട്. ഈ ആക്റ്റീവ് ആണെങ്കിൽ, ഗ്രൂപ്പിൽ ചേരാൻ ആഗ്രഹിക്കുന്ന ആളുകൾക്ക് ഒരു ഗ്രൂപ്പ് അഡ്മിനിസ്ട്രേറ്റർ നേരിട്ട് അംഗീകാരം നൽകിയിരിക്കണം. ഉടൻ തന്നെ ഈ അപ്ഡേറ്റ് എല്ലാവരിലേക്കും എത്തും എന്നാണ് കരുതുന്നത്.