വിതരണ ശൃംഖല, ആർട്ടിഫിഷ്യൽ ഇന്റലിജൻസ് (AI), ഇന്റർനെറ്റ് ഓഫ് തിംഗ്‌സ് (IoT) എന്നിവയുമായി ബന്ധപ്പെട്ട റോളുകളിൽ മൈക്രോസോഫ്ട് നടത്തിയ മൂന്നാം റൗണ്ട് ജോലി വെട്ടിക്കുറയ്ക്കൽ ജീവനക്കാരെ വളരെയധികം ദോഷകരമായി ബാധിച്ചു. CRN അനുസരിച്ച്, ഈ വർഷം ആദ്യം മൈക്രോസോഫ്റ്റ് പ്രഖ്യാപിച്ച 10,000 ത്തോളം ജീവനക്കാരുടെ ജോലി വെട്ടിക്കുറയ്ക്കലിന്റെ ഭാഗമാണ് മൂന്നാമത്തെ പിരിച്ചുവിടൽ എന്ന് കരുതാം. വിവിധ ലെവലുകളിലും, മറ്റ് ടീമുകളിലും ജോലി വെട്ടിക്കുറച്ചതായി കമ്പനിയെ ഉദ്ധരിച്ച് റിപ്പോർട്ട് പറയുന്നു. വാഷിംഗ്ടൺ സ്റ്റേറ്റിൽ, മൈക്രോസോഫ്ട് ഈ അടുത്തിടെ 689 ജീവനക്കാരെ പിരിച്ചുവിട്ടതായി രേഖകൾ പറയുന്നുണ്ട്. ഫെബ്രുവരിയിൽ 617 ജീവനക്കാരെ വിട്ടയച്ചതായി മൈക്രോസോഫ്റ്റ് വാഷിംഗ്ടൺ സ്റ്റേറ്റിനെ അറിയിച്ചു. അതേ മാസം തന്നെ, തങ്ങളുടെ 108 ജീവനക്കാരെ വിട്ടയച്ചതായി കമ്പനി കാലിഫോർണിയയെ അറിയിച്ചു. 

അനുസരിച്ച് "2023 സാമ്പത്തിക വർഷം അവസാനത്തോടെ (മൂന്നാം പാദം) ഞങ്ങളുടെ മൊത്തത്തിലുള്ള തൊഴിലാളികളിൽ 10,000 തൊഴിലവസരങ്ങൾ കുറയ്ക്കുന്നതിന് കാരണമാകുന്ന മാറ്റങ്ങൾ വരുത്തും" എന്ന് മൈക്രോസോഫ്റ്റ് ചെയർമാനും സിഇഒയുമായ സത്യ നാദെല്ല ജനുവരിയിൽ പ്രഖ്യാപിച്ചിരുന്നു. മൈക്രോസോഫ്റ്റിന് നിലവിൽ 220,000-ത്തിലധികം ജീവനക്കാരുണ്ട്, പിരിച്ചുവിടൽ അതിന്റെ തൊഴിലാളികളുടെ 5 ശതമാനത്തെ ബാധിച്ചു.