150 ദശലക്ഷത്തിലധികം അമേരിക്കൻ ഉപയോക്താക്കളുള്ള ചൈനീസ് ഉടമസ്ഥതയിലുള്ള ഹ്രസ്വ വീഡിയോ ആപ്പിനെക്കുറിച്ച് ടിക് ടോക്ക് സിഇഒ ഷൗ സി ച്യൂ നിയമ നിർമ്മാതാക്കളോട് സംസാരിക്കും. വർദ്ധിച്ചുവരുന്ന യുഎസ് ദേശീയ സുരക്ഷാ ആശങ്കകൾക്കിടയിൽ യുഎസ് ഉപയോക്തൃ ഡാറ്റ ചൈനീസ് സർക്കാരുമായി ഒരിക്കലും പങ്കിടില്ല എന്ന് അദ്ദേഹം പറയുന്നു. ”ടിക് ടോക്ക് ഒരിക്കലും യുഎസിലെ ഉപയോക്തൃ ഡാറ്റ ചൈനീസ് സർക്കാരുമായി പങ്കിടുകയോ പങ്കിടാനുള്ള അഭ്യർത്ഥന സ്വീകരിക്കുകയോ ചെയ്തിട്ടില്ല. എപ്പോഴെങ്കിലും അത്തരമൊരു അഭ്യർത്ഥന നടത്തിയാൽ ടിക് ടോക് അത് മാനിക്കില്ല, ” എന്ന് ച്യൂ വ്യാഴാഴ്ച സാക്ഷ്യപ്പെടുത്തുമെന്ന് ഹൗസ് ഓഫ് റെപ്രസന്റേറ്റീവ്സ് എനർജി ആൻഡ് കൊമേഴ്‌സ് കമ്മിറ്റി ചൊവ്വാഴ്ച പോസ്റ്റ് ചെയ്ത രേഖാമൂലമുള്ള സാക്ഷ്യപത്രത്തിൽ പറയുന്നു. ടിക് ടോക്കിന്റെ മാതൃ കമ്പനിയായ ബൈറ്റ്ഡാൻസ് ഏതെങ്കിലും സർക്കാരിന്റെയോ സംസ്ഥാന സ്ഥാപനത്തിന്റെയോ ഉടമസ്ഥതയിലുള്ളതോ നിയന്ത്രിക്കുന്നതോ അല്ലെന്നും അദ്ദേഹം കൂട്ടിച്ചേർത്തു.